မြန်မာနိုင်ငံစစ်မှုထမ်းဟောင်းအဖွဲ့ ဗဟိုအမှုဆောင်အဖွဲ့ ဥက္ကဌ၏ နှုတ်ခွန်းဆက်သဝဏ်လွှာ
မြန်မာနိုင်ငံစစ်မှုထမ်းဟောင်းအဖွဲ့၏ အဖွဲ့ဝင် စစ်မှုထမ်းဟောင်းများ၊ အရန်အဖွဲ့ဝင်များ၏ မိသားစုဝင်များအားလုံး ဘေးရန်ကင်းကွာ၍ ကိုယ်စိတ်နှစ်ဖြာ ကျန်းမာချမ်းသာ ကြပါစေကြောင်း ဆုမွန်ကောင်းတောင်းအပ်ပါတယ်။ ကျွန်တော်ကတော့ မြန်မာနိုင်ငံစစ်မှုထမ်းဟောင်းအဖွဲ့၊ ဗဟိုအမှုဆောင်အဖွဲ့ ဥက္ကဋ္ဌ ဗိုလ်ချုပ်ကြီး ခင်အောင်မြင့် တပ်မတော်(လေ) (အငြိမ်းစား)ဖြစ်ပြီး ၂၉-၄-၂၀၂၅ ရက်မှာ ကျင်းပပြုလုပ်ခဲ့တဲ့ မြန်မာနိုင်ငံစစ်မှုထမ်းဟောင်းအဖွဲ့ အထူးညီလာခံ(၂၀၂၅) က ဗဟိုအမှုဆောင်အဖွဲ့ ဥက္ကဋ္ဌ အဖြစ် ရွေးချယ်တင်မြှောက်ခြင်းခံရသူ ဖြစ်ပါတယ်။ ကျွန်တော်အနေနဲ့ နိုင်ငံတော်နဲ့ မြန်မာနိုင်ငံစစ်မှုထမ်းဟောင်းအဖွဲ့ဝင်များရဲ့ အကျိုးကိုရှေးရှုပြီး အဖွဲ့ကြီးရဲ့ ရည်ရွယ်ချက်များနဲ့ ရှေ့လုပ်ငန်းစဉ်များကို အကောင်အထည် ဖော်ဖို့အတွက် ကိုယ်စွမ်းဉာဏ်စွမ်းရှိသမျှ ကြိုးပမ်းဆောင်ရွက်သွားမှာဖြစ်ပါတယ်။ဤ Website တွင် အဖွဲ့ကြီးရဲ့ စည်းရုံးရေးလှုပ်ရှားမှုများ၊ သက်သာချောင်ချိရေးလှုပ်ရှားမှုများ၊ အမျိုးသားနိုင်ငံရေးလှုပ်ရှားမှုများ၊ ပြည်သူ့အကျိုးပြုလုပ်ငန်းဆောင်ရွက်မှုများ၊ နိုင်ငံတကာရေးရာ ပူးပေါင်းဆောင်ရွက်မှုများကို အများလေ့လာသိရှိနိုင်အောင် ဆက်လက်ထုတ်လွှင့်တင်ပြပေးမှာဖြစ်ပါတယ်။ Website သို့ ဝင်ရောက်ကြည့်ရှုသူအားလုံးသည် မြန်မာနိုင်ငံစစ်မှုထမ်းဟောင်းအဖွဲ့ကြီးရဲ့ ဂုဏ်ဒြပ်နဲ့ စစ်မှုထမ်းဟောင်းအဖွဲ့ဝင်များ၏ အနာဂတ်လှပရေး၊ နိုင်ငံတော်လုံခြုံရေးနှင့် ဖွံ့ဖြိုးတိုးတက်ရေးအတွက် ဆောင်ရွက်မှုများကို ကောင်းစွာသိရှိပြီး အဖွဲ့ကြီးနှင့်အတူ ပူးပေါင်းပါဝင်ဆောင်ရွက်ကြဖို့ တိုက်တွန်းရင်း နှုတ်ခွန်းဆက်သအပ်ပါတယ်။
08-Dec-2025
အင်ဒိုနီးရှားသမ္မတနိုင်ငံ၊ ဂျကာတာမြို့၊ Borobudur Hotel တွင် ၂၃-၁၁-၂၀၂၅ ရက် မှ ၂၇-၁၁-၂၀၂၅ ရက်အထိ ကျင်းပပြုလုပ်သည့် အာဆီယံနိုင်ငံများစစ်မှုထမ်းဟောင်းအဖွဲ့၏ (၃၇) ကြိမ်မြောက် အလုပ်အမှုဆောင်အဖွဲ့အစည်းအဝေးနှင့် (၂၄) ကြိမ်မြောက် အထွေထွေ ညီလာခံသို့ တက်ရောက်ရန်အတွက် မြန်မာနိုင်ငံစစ်မှုထမ်းဟောင်းအဖွဲ့၊ ဗဟိုအမှုဆောင်အဖွဲ့ ဥက္ကဋ္ဌ ဗိုလ်ချုပ်ကြီး ခင်အောင်မြင့် (အငြိမ်းစား) ဦးဆောင်သည့် မြန်မာနိုင်ငံစစ်မှုထမ်းဟောင်းကိုယ်စားလှယ်အဖွဲ့ဝင် ၅ ဦးသည် ၂၀၂၅ ခုနှစ်၊ နိုဝင်ဘာလ ၂၂ ရက် နေ့လယ်ပိုင်းတွင် ရန်ကုန်မြို့၊ မင်္ဂလာဒုံအပြည်ပြည်ဆိုင်ရာလေဆိပ်မှ လေကြောင်းခရီးဖြင့် အင်ဒိုနီးရှားသမ္မတနိုင်ငံသို့ ထွက်ခွာကြသည်။အာဆီယံနိုင်ငံများစစ်မှုထမ်းဟောင်းအဖွဲ့ VECONAC ၏ (၃၇)ကြိမ်မြောက် အလုပ် အမှုဆောင်အဖွဲ့အစည်းအဝေးကို ၂၀၂၅ ခုနှစ်၊ နိုဝင်ဘာလ ၂၄ ရက်တွင် ကျင်းပခဲ့ရာ VECONAC အဖွဲ့ဝင် ၁၀ နိုင်ငံမှ စစ်မှုထမ်းဟောင်းအဖွဲ့ ဥက္ကဋ္ဌများနှင့် ကိုယ်စားလှယ်အဖွဲ့ဝင်များ တက်ရောက်ခဲ့ပြီး အစည်းအဝေးတွင် (၂၄)ကြိမ်မြောက် အထွေထွေညီလာခံသို့ တင်သွင်းမည့် ဆုံးဖြတ်ချက် (မူကြမ်း) ၉ ချက်ကို သုံးသပ်ခြင်းနှင့် ဆွေးနွေးခြင်းများ ဆောင်ရွက်၍ အတည်ပြုရန် ဆုံးဖြတ် ခဲ့ကြသည်။အာဆီယံနိုင်ငံများစစ်မှုထမ်းဟောင်းအဖွဲ့ VECONAC ၏ (၂၄)ကြိမ်မြောက် အထွေထွေ ညီလာခံကို ၂၀၂၅ ခုနှစ်၊ နိုဝင်ဘာလ ၂၅ ရက်တွင် ကျင်းပရာ အဆိုပါအထွေထွေညီလာခံသို့ VECONAC အဖွဲ့ဝင်နိုင်ငံ ၁၀ နိုင်ငံမှ စစ်မှုထမ်းဟောင်းအဖွဲ့ ဥက္ကဋ္ဌများနှင့်ဇနီးများ၊ ကိုယ်စားလှယ်အဖွဲ့ဝင်များ၊ လေ့လာသူများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြပြီး နိုင်ငံအလိုက် အစီရင်ခံစာတင်သွင်းခြင်း အစီအစဉ်တွင် မြန်မာနိုင်ငံစစ်မှုထမ်းဟောင်းအဖွဲ့၏ အစီရင်ခံစာကို မြန်မာနိုင်ငံစစ်မှုထမ်းဟောင်းအဖွဲ့၊ ဗဟိုအမှုဆောင်အဖွဲ့ ဥက္ကဋ္ဌ ဗိုလ်ချုပ်ကြီး ခင်အောင်မြင့် (အငြိမ်းစား)က ဖတ်ကြားတင်သွင်းခဲ့ပါသည်။ အဆိုပါအထွေထွေညီလာခံ၌ အာဆီယံနိုင်ငံများစစ်မှုထမ်းဟောင်းအဖွဲ့၏ (၃၇)ကြိမ်မြောက် အလုပ်မှုဆောင်အဖွဲ့အစည်းအဝေးတွင် ဆွေးနွေးဆုံးဖြတ်ခဲ့ကြသည့် ဆုံးဖြတ်ချက် ၉ ချက်အား အတည်ပြုကြပြီး VECONAC အဖွဲ့ဝင် ၁၀ နိုင်ငံမှ စစ်မှုထမ်းဟောင်းကိုယ်စားလှယ်အဖွဲ့ ခေါင်းဆောင်များက ပူးတွဲ ကြေညာချက်၌ လက်မှတ်ရေးထိုး မှတ်တမ်းတင်ခဲ့ကြပါသည်။မြန်မာနိုင်ငံစစ်မှုထမ်းဟောင်းအဖွဲ့၊ ဗဟိုအမှုဆောင်အဖွဲ့ ဥက္ကဋ္ဌ ဗိုလ်ချုပ်ကြီး ခင်အောင်မြင့် (အငြိမ်းစား) ဦးဆောင်သည့် ကိုယ်စားလှယ်အဖွဲ့ဝင် ၅ ဦးသည် အင်ဒိုနီးရှား သမ္မတနိုင်ငံ၊ ဂျကာတာမြို့၊ Borobudur Hotel တွင် ကျင်းပပြုလုပ်ခဲ့သည့် အာဆီယံနိုင်ငံများ စစ်မှုထမ်းဟောင်းအဖွဲ့၏ (၃၇)ကြိမ်မြောက် အလုပ်အမှုဆောင်အဖွဲ့အစည်းအဝေးနှင့် (၂၄) ကြိမ်မြောက် အထွေထွေညီလာခံသို့ တက်ရောက်ခဲ့ပြီး ၂၀၂၅ ခုနှစ်၊ နိုဝင်ဘာလ ၂၈ ရက် နေ့လယ် ၁၁ နာရီတွင် လေကြောင်းခရီးဖြင့် ရန်ကုန်မြို့၊ မင်္ဂလာဒုံအပြည်ပြည်ဆိုင်ရာလေဆိပ်သို့ ပြန်လည်ရောက်ရှိခဲ့ကြောင်း သတင်းရရှိသည်။
08-Dec-2025
နေပြည်တော်ရှိ ကရုဏာကမ္ဘာဘိုးဘွားရိပ်သာ၌ နားခိုလျက်ရှိကြသည့် တပ်မတော်သား အငြိမ်းစားများနှင့် မိသားစုဝင်ဘိုးဘွားများအတွက် မြန်မာနိုင်ငံစစ်မှုထမ်းဟောင်းအဖွဲ့ ဗဟိုအမှုဆောင်အဖွဲ့ဝင်များသည် ယနေ့နံနက်ပိုင်းတွင် ကရုဏာကမ္ဘာဘိုးဘွားရိပ်သာသို့ သွားရောက်၍ ငွေကျပ်သန်း ၂၀ ပေးအပ်လှူဒါန်းကြသည်။ထိုသို့ လှူဒါန်းရာတွင် မြန်မာနိုင်ငံစစ်မှုထမ်းဟောင်းအဖွဲ့ ဥက္ကဋ္ဌ ဗိုလ်ချုပ်ကြီး ခင်အောင်မြင့်(အငြိမ်းစား)က တပ်မတော်သားဖြစ်ခဲ့သူတစ်ဦးအနေဖြင့် သက်ကြီးရွယ်အို စစ်မှုထမ်းဟောင်းများအား ယခုကဲ့သို့ စောင့်ရှောက်နေသည့် မွန်မြတ်လှသော ပရဟိတလုပ်ငန်းကြီး ဖြစ်တည်လာရခြင်းကို အလွန်ဝမ်းမြောက်ဂုဏ်ယူမိပါကြောင်းနှင့် စွန့်လွှတ်စွန့်စားသူများ၏ ကွန်းခိုရာကရုဏာကမ္ဘာဘိုးဘွားရိပ်သာ အဓွန့်ရှည်တည်မြဲရေးအတွက် နှစ်စဉ်လှူဒါန်းသွားမည် ဖြစ်ကြောင်းတို့ကို ပြောကြားသည်။ထို့နောက် လှူဒါန်းငွေများအား မြန်မာနိုင်ငံစစ်မှုထမ်းဟောင်းအဖွဲ့ ဥက္ကဋ္ဌက ကရုဏာကမ္ဘာဘိုးဘွားရိပ်သာ ဒုတိယဥက္ကဋ္ဌ ဗိုလ်ချုပ်သိန်းထွန်း(အငြိမ်းစား)ထံသို့ ပေးအပ်လှူဒါန်းခဲ့ရာ တာဝန်ရှိသူများက ကျေးဇူးတင်စကား ပြန်လည်ပြောကြားခဲ့ကြောင်း သတင်းရရှိသည်။
Previous Events
12-7-2023 Philippine, Pampanga, Clark Freeport Zone
အာဆီယံနိုင်ငံများစစ်မှုထမ်းဟောင်းအဖွဲ့ ၃၄ ကြိမ်မြောက်အလုပ်အမှုဆောင်အဖွဲ့အစည်းအဝေးနှင့် ၂၁ ကြိမ်မြောက် အထွေထွေညီလာခံ
၂၁-၁၁-၂၀၂၂ မှ ၂၅-၁၁-၂၀၂၂ ထိ
-Centara Grand ဟိုတယ် ဘန်ကောက်မြို့၊ ထိုင်းနိုင်ငံ
အာဆီယံနိုင်ငံများစစ်မှုထမ်းဟောင်းအဖွဲ့ လုပ်ငန်းကော်မတီအစည်းအဝေး
-
-
၁၅-၁၂-၂၀၂၁ မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ်ရုံး အစည်းအဝေးခန်းမမှတဆင့် တက်ရောက်ပါသည်။
၂၄-၁၁-၂၀၂၁ မှ ၂၆-၁၁-၂၀၂၁ ထိ မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ် ညီလာခံခန်းမ ဒက္ခိဏသီရိမြို့နယ်၊ နေပြည်တော်။
Video Conferencing စနစ်ဖြင့် ပြုလုပ်သော အာဆီယံနိုင်ငံများစစ်မှုထမ်းဟောင်းအဖွဲ့ လုပ်ငန်းကော်မတီအစည်းအဝေး
၂၁-၁၀-၂၀၂၀
မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ် အစည်းအဝေးခန်းမတဆင့် တက်ရောက်ပါသည်။
အာဆီယံနိုင်ငံများစစ်မှုထမ်းဟောင်းအဖွဲ့၏ ၁၉ ကြိမ်မြောက် အထွေထွေညီလာခံနှင့် ၃၂ ကြိမ်မြောက်အလုပ်အမှုဆောင်အဖွဲ့အစည်းအဝေး
၈-၁၂-၂၀၁၉ မှ ၁၂-၁၂-၂၀၁၉ ထိ
အာဆီယံနိုင်ငံများစစ်မှုထမ်းဟောင်းအဖွဲ့လုပ်ငန်းကော်မတီအစည်းအဝေး
၃-၇-၂၀၁၉ မှ ၆-၇-၂၀၁၉
(ကမ္ဘောဒီးယားနိုင်ငံ၊ ဆီရမ်ရိမြို့)
အာဆီယံနိုင်ငံများစစ်မှုထမ်းဟောင်းအဖွဲ့၏ (၁၈)ကြိမ်မြောက် အထွေထွေညီလာခံ
၁၁-၁၂-၂၀၁၈ မှ ၁၅-၁၂-၂၀၁၈ ထိ
လာအို, ဗီယင်ကျန်းမြို့
မြန်မာနိုင်ငံစစ်မှုထမ်းဟောင်းအဖွဲ့ အထူးညီလာခံ (၂၀၁၈)
၂၉-၁၀-၂၀၁၈ မှ ၃၁-၁၀-၂၀၁၈ ထိ
ဒက္ခိဏသီရိမြို့နယ်၊ နေပြည်တော်
သတ္တမအကြိမ် မြန်မာနိုင်ငံစစ်မှုထမ်းဟောင်းညီလာခံ (၂၀၁၆)
၁၂-၁၀-၂၀၁၆ မှ ၁၄-၁၀-၂၀၁၆ ထိ
နေပြည်တော်
အာဆီယံနိုင်ငံများစစ်မှုထမ်းဟောင်းအဖွဲ့၏ (၁၇)ကြိမ်မြောက် အထွေထွေညီလာခံနှင့် (၃၀)ကြိမ်မြောက်အလုပ်အမှုဆောင်အစည်းအဝေး
၂၃-၁၁-၂၀၁၇ မှ ၂၇-၁၁-၂၀၁၇ ထိ
ဘရူနိုင်း ဒါရူစလန်, ဘန်ဒါစရီဘီဂါ၀မ်